Gjenden të vdekur dy persona në një banesë, dyshohen të jenë asfiksuar nga gazi

Dy persona janë gjetur pa shenja jete mbrëmjen e së shtunës në zonën e Golemit.

Policia ka marrë denoncimin dhe pasi ka shkuar në një banesë ka gjetur të vdekur shtetasit Mihal Jani 60 vjeç banues në Golem dhe Anila Llulla 50 vjeçe, banuese në Tiranë.

Nga hetimet paraprake dyshohet se kanë humbur jetën një ditë më parë si pasojë e asfiksisë nga gazi. Në trupat e viktimave nuk janë gjetur shenja dhune.

Grupi hetimor nën drejtimin e Prokurorisë vijon punën për sqarimin e plotë të ngjarjes.